കേരളത്തിൽ മഴയെ തുടര്‍ന്ന് കടലില്‍ പോകാനാകാത്ത മത്സ്യ തൊഴിലാളികള്‍ക്ക് സഹായം നല്‍കുമെന്ന് മന്ത്രി ആന്റണി രാജു. കടലില്‍ പോകാന്‍ കഴിയാത്ത ദിവസങ്ങള്‍ കണക്കാക്കി അതിനനുസൃതമായ സഹായധനം നല്‍കുമെന്ന് അദ്ദേഹം വ്യക്തമാക്കി.

അതേസമയം മഴക്കലമായതിനാല്‍ ജാഗ്രത പാലിക്കണമെന്നും കാലാവസ്ഥക്കനുസരിച്ച് നല്‍കുന്ന നിര്‍ദ്ദേശങ്ങള്‍ പാലിക്കാന്‍ മത്സ്യത്തൊഴിലാളികള്‍ തയ്യാറാകണമെന്നും അദ്ദേഹം തിരുവനന്തപുരത്ത് പറഞ്ഞു

കെഎസ്ആര്‍ടിസി പെന്‍ഷന്‍ ഉടനടി കൊടുക്കാന്‍ വേണ്ട നടപടികള്‍ സ്വീകരിക്കുമെന്നും 140 കോടി രൂപയ്ക്ക് സര്‍ക്കാര്‍ കത്ത് കൊടുത്തിട്ടുണ്ടെന്നും അദ്ദേഹം വ്യക്തമാക്കി. ഓണത്തിന് നല്‍കാനുള്ള ഉള്ള ബോണസ് സര്‍ക്കാര്‍ തീരുമാനിക്കുമെന്നും അദ്ദേഹം പറഞ്ഞു.