അഴിമതിക്കേസില്‍ കര്‍ണാടക ഉപമുഖ്യമന്ത്രി ഡി കെ ശിവകുമാറിനെതിരായ സിബിഐ അന്വേഷണം സുപ്രീം കോടതി സ്റ്റേ ചെയ്തു. കേസില്‍ സ്റ്റേ അനുവദിച്ച കര്‍ണാടക ഹൈക്കോടതിയുടെ ഉത്തരവിനെതിരെ സിബിഐ സമര്‍പ്പിച്ച ഹര്‍ജി ജസ്റ്റിസുമാരായ ബിആര്‍ ഗവായ്, സി ടി രവികുമാര്‍, സഞ്ജയ് കുമാര്‍ എന്നിവരടങ്ങിയ ബെഞ്ച് തള്ളി.

സ്റ്റേയ്ക്ക് എതിരായ ഹര്‍ജിയില്‍ ഇടപെടില്ലെന്ന് സുപ്രീം കോടതി വ്യക്തമാക്കി. കേസ് വേഗത്തില്‍ തീര്‍ക്കണമെന്ന് സിബിഐയ്ക്ക് ഹൈക്കോടതിയില്‍ അപേക്ഷിക്കാമെന്നും സുപ്രീം കോടതി അറിയിച്ചു. ശിവകുമാറിനെതിരായ അഴിമതി കേസില്‍ സിബിഐ നടപടികള്‍ ഫെബ്രുവരി 10ന് കര്‍ണാടക ഹൈക്കോടതി സ്റ്റേ ചെയ്തിരുന്നു.

അഴിമതി നിരോധന നിയമപ്രകാരം രജിസ്റ്റര്‍ ചെയ്ത കേസില്‍ നടപടി സ്വീകരിച്ച റിപ്പോര്‍ട്ട് സമര്‍പ്പിക്കാന്‍ അന്വേഷണ ഏജന്‍സിയോട് ഹൈക്കോടതി നിര്‍ദ്ദേശിച്ചിട്ടുണ്ട്.