പാഠ്യപദ്ധതി പരിഷ്‌കരണത്തിന്റെ ഭാഗമായി നടക്കുന്നത് കാവിവത്ക്കരണമെന്ന് സ്പീക്കര്‍ എ എന്‍ ഷംസീര്‍. ചരിത്രത്തെ വക്രീകരിക്കുന്ന നടപടികളാണുണ്ടാകുന്നത്. ഒരു തലമുറയെ വാര്‍ത്തെടുക്കുന്ന പ്രക്രിയയാണ് വിദ്യാഭ്യാസം. വിഷയത്തില്‍ സൂക്ഷ്മതയോടെ ഇടപെടണമെന്നും സ്പീക്കര്‍ പറഞ്ഞു.

ആധുനിക കേരളത്തില്‍ ശക്തനായ മതനിരപേക്ഷവാദിയാകുക എന്നതാണ് നാമെടുക്കേണ്ട പ്രതിജ്ഞ. ക്ലാസ് മുറികളില്‍ കുട്ടികളെ ഭരണഘടന പഠിപ്പിക്കണം. എന്‍ടിആര്‍സി പുസ്തകം മാറ്റുകയാണ്. പാഠപുസ്തകങ്ങള്‍ വികലമാകുകയാണ്. ഗാന്ധിയെക്കുറിച്ചുള്ള ഭാഗം ഒഴിവാക്കുന്നു. ഗാന്ധി കൊല്ലപ്പെട്ടു എന്നു മാറ്റി മരിച്ചു എന്നാക്കുന്നു. വസ്തുതയില്ലാത്ത കാര്യങ്ങള്‍ കുട്ടികളെ പഠിപ്പിക്കരുതെന്നും ഷംസീര്‍ പറഞ്ഞു.