സംഘർഷത്തെ തുടർന്ന് ഹരിയാനയിലെ നൂഹ്, പൽവാൽ ജില്ലകളിൽ ഇന്റർനെറ്റ് നിരോധനം ചൊവ്വാഴ്ച വരെ നീട്ടി. എസ്എംഎസ് നിരോധനം നൂഹിൽ തിങ്കളാഴ്ച വൈകിട്ട് അഞ്ചു വരെയും പൽവാൽ ജില്ലയിൽ ചൊവ്വാഴ്ച വൈകിട്ട് അഞ്ചു വരെയും തുടരും.തിങ്കളാഴ്ച ഹരിയാനയിലെ നൂഹിൽ ഒരു ജനക്കൂട്ടം വിഎച്ച്പി ഘോഷയാത്ര തടഞ്ഞതിനെ തുടർന്നാണ് സംഘർഷമുണ്ടായത്.

മണിക്കൂറുകൾക്കകം സംഘർഷം രാജ്യതലസ്ഥാനത്തിന്റെ വിവിധ ഭാഗങ്ങളിലേക്ക് വ്യാപിച്ചു.അതിനുശേഷം നുഹിൽ, പൽവാൽ ജില്ലകളിൽ ഇന്റർനെറ്റ് നിരോധിച്ചു. പിന്നീട് ഓഗസ്റ്റ് അഞ്ച് വരെ നീട്ടി.ഫേസ്ബുക്ക്, ട്വിറ്റർ, വാട്‌സ്ആപ്പ് എന്നിവയിലെ പോസ്റ്റുകൾ നിരീക്ഷിക്കാൻ മൂന്നംഗ സമിതിയെയും ചുമതലപ്പെടുത്തിയിട്ടുണ്ട്. വിവിധ സോഷ്യൽ മീഡിയ പ്ലാറ്റ്‌ഫോമുകളിലൂടെ തെറ്റായ വിവരങ്ങൾ പ്രചരിപ്പിക്കുന്നത് തടയാനാണ് ഈ നീക്കം