സഹകരണസ്ഥാപനങ്ങളിൽ നടക്കുന്ന ഇഡി അന്വേഷണത്തിനു പിന്നിൽ രാഷ്ട്രീയ ലക്ഷ്യമെന്ന് മന്ത്രി വി എൻ വാസവൻ. ഇഡി പരിശോധനയിൽ ആർക്കും എതിർപ്പില്ല. അതിന്റെ മറവിൽ സഹകരണ മേഖലയിലാകെ കുഴപ്പം എന്ന് വരുത്തി തീർക്കുന്നത് രാഷ്ട്രീയ നീക്കമാണ്.ബിജെപിക്ക് തൃശൂരിൽ ജയിക്കാൻ ഇ ഡി അന്വേഷണവും ആയുധമാക്കുകയാണെന്നും വി എൻ വാസവൻ പറഞ്ഞു.

വരാനിരിക്കുന്ന ലോക്സഭാ തിരഞ്ഞെടുപ്പിന് ബിജെപിക്ക് കളമൊരുക്കുകയാണ് ഇഡി അന്വേഷണം.
മുൻകൂട്ടി ആസൂത്രണം ചെയ്തതാണ് ഇപ്പോഴത്തെ ഇഡി അന്വേഷണം. ഇഡി എപ്പോൾ വരണം, സുരേഷ് ഗോപിയുടെ പദയാത്ര എപ്പോൾ നടത്തണം എന്നൊക്കെ മുൻകൂട്ടി തീരുമാനിച്ചതാണ്.ഇഡി രാഷ്ട്രീയ ലക്ഷ്യത്തോടെ പ്രവർത്തിക്കുന്നത് പ്രതിഷേധാർഹമാണെന്നും വി എൻ വാസവൻ പറഞ്ഞു.