കേന്ദ്ര ഏജൻസിയായ ഇഡിക്കെതിരെ ആരോപണവുമായി സിപിഐഎം സംസ്ഥാന സെക്രട്ടറി എം വി ഗോവിന്ദൻ മാസ്റ്റർ . ഇഡി സിപിഐഎമ്മിനെതിരെ രാഷ്ട്രീയമായ കടന്നാക്രമണം നടത്തുകയാണ്. ആ കടന്നാക്രമണത്തെ അതിശക്തമായി പ്രതിരോധിക്കും. സിപിഐഎം നേതാക്കളെ കള്ളക്കേസിൽ കുടുക്കാൻ ശ്രമം നടക്കുകയാണെന്നും ഗോവിന്ദൻ മാസ്റ്റർ പറഞ്ഞു.

സംസ്ഥാനത്തെ സഹകരണ മേഖലയ്ക്കെതിരായ ആക്രമണമാണ് നടക്കുന്നത്. ജനങ്ങൾ ശക്തിയായി പ്രതിരോധിക്കും. ബിജെപി സർക്കാർ പുതിയ ധനകാര്യസ്ഥാപനങ്ങൾ ലക്ഷ്യമിടുന്നു. ഇവിടെ കുഴപ്പമാണെന്ന് വരുത്തി നിക്ഷേപം അങ്ങോട്ടേക്ക് ആകർഷിക്കാനാണ് ശ്രമം. സഹകരണ മേഖലയിലെ നിക്ഷേപത്തിന് സർക്കാർ ഗ്യാരണ്ടി ഉണ്ടെന്ന് മുഖ്യമന്ത്രി തന്നെ വ്യക്തമാക്കി. പയ്യന്നൂരിലെ പാർട്ടി പ്രതിസന്ധിയിൽ പരിശോധിച്ച് ആവശ്യമായ നിലപാട് സ്വീകരിക്കുമെന്നും അദ്ദേഹം പറഞ്ഞു.