ജനങ്ങള്‍ക്ക് ആശ്രയ കേന്ദ്രമായി പൊലീസ് സ്റ്റേഷന്‍ മാറണം: മുഖ്യമന്ത്രി
അഡ്മിൻ
പൊലീസുകാര്‍ക്ക് മുന്നറിയിപ്പുമായി മുഖ്യമന്ത്രി പിണറായി വിജയന്‍. കേരള പൊലീസിന്റെ പ്രവര്‍ത്തനം മെച്ചപ്പെടുത്തണം. പൊലീസിലെ അഴിമതികള്‍ക്കെതിരെ ശക്തമായ നടപടി തുടരുമെന്ന് മുഖ്യമന്ത്രി പറഞ്ഞു. പൊലീസ് സ്റ്റേഷന്‍ ജനസേവന കേന്ദ്രമാണെന്ന് ഉറപ്പാക്കണം. ജനങ്ങള്‍ക്ക് ആശ്രയ കേന്ദ്രമായി പൊലീസ് സ്റ്റേഷന്‍ മാറണം. തെറ്റായ പ്രവണതകള്‍ ഉടന്‍ തിരുത്തണം എന്നും മുഖ്യമന്ത്രി പറഞ്ഞു.
എസ്പിമാര്‍ സ്റ്റേഷനില്‍ പരിശോധന നടത്തണം. കോഴിക്കോട് നടന്ന മലബാര്‍ മേഖല പൊലീസ് ഉദ്യോഗസ്ഥരുടെ യോഗത്തിലാണ് കര്‍ശന നിര്‍ദേശം നല്‍കിയത്. ലൈഫ് മിഷന്റെ വിവിധ പദ്ധതിയില്‍ വീട് നിര്‍മാണം പൂര്‍ത്തീകരിക്കാന്‍ ജില്ല തലത്തില്‍ ജാഗ്രതയോടെ പ്രവര്‍ത്തിക്കണമെന്ന് മുഖ്യമന്ത്രി പിണറായി വിജയന്‍ മേഖല യോഗത്തില്‍ നിര്‍ദേശിച്ചു. ബന്ധപ്പെട്ട ഉദ്യോഗസ്ഥര്‍ ഇക്കാര്യത്തില്‍ ശ്രദ്ധ പുലര്‍ത്തണമെന്നും അദ്ദേഹം ആവശ്യപ്പെട്ടു.
അതി ദാരിദ്ര്യവിഭാഗത്തില്‍പ്പെട്ടവര്‍ എങ്ങനെ ലൈഫ് പട്ടികയില്‍ പെടാതെ പോയി എന്നത് പരിശോധിച്ച് അവരെ ഉള്‍പ്പെടുത്താന്‍ നടപടിയെടുക്കാന്‍ തദ്ദേശ സ്വയംഭരണ മന്ത്രി എം.ബി. രാജേഷ് നിര്‍ദേശിച്ചു. അതിദരിദ്രരെ ഇ.പി കാര്‍ഡ് ഉപയോഗിച്ച് ലൈഫ് പദ്ധതിയില്‍ ചേര്‍ക്കാമെന്നും മന്ത്രി നിര്‍ദേശിച്ചു.
