ആര്യാടൻ ഷൗക്കത്തിന് പരോക്ഷമായി താക്കീത് നൽകി കെപിസിസി അധ്യക്ഷം കെ സുധാകരൻ. കഷ്ടപ്പെട്ടും സഹിച്ചും ആരും കോൺഗ്രസ്സിൽ തുടരേണ്ടതില്ലെന്നാണ് കെ സുധാകരൻ മാധ്യമങ്ങളോട് പറഞ്ഞത്.’ പലരും പാർട്ടി വിട്ട് പുറത്ത് പോയിട്ടുണ്ട്, പാർട്ടിയിൽ നിന്ന് പുറത്താക്കാൻ തീരുമാനിച്ചാൽ പിന്നെ അവർ എങ്ങോട്ടു പോകുന്നു എന്നത് ഒരു പ്രശ്‌നമല്ല’; അദ്ദേഹം തുറന്നടിച്ചു.

കോൺഗ്രസ്സിൽ അച്ചടക്കം വളരെ പ്രധാനമാണെന്നും ആര്യാടൻ വിഷയത്തിൽ വിശദമായ ചർച്ച നടത്തുമെന്നും അദ്ദേഹം കൂട്ടിച്ചേർത്തു. അതേസമയം കോൺഗ്രസ്സ് വിട്ട് പോകാനാണ് തീരുമാനമെങ്കിൽ ആര്യാടൻ ഷൗക്കത്തിനെ എതിർക്കില്ലെന്നും . കോൺഗ്രസ്സിനുള്ളിലെ പ്രശ്നങ്ങൾ പരിഹരിക്കും. ലീഗും കോൺഗ്രസ്സുമായി നിലവിൽ യാതൊരു പ്രശ്നവുമില്ലെന്നും കെ സുധാകരൻ മാധ്യമങ്ങളോട് പറഞ്ഞു.