കേരളത്തിലെ ഇടതുമുന്നണി സർക്കാരിനെ പ്രകീർത്തിച്ച് രാജസ്ഥാൻ മുഖ്യമന്ത്രിയും മുതിർന്ന കോൺഗ്രസ് നേതാവുമായഅശോക് ഗെഹ്‌ലോട്ട്.കേരളത്തിലെ തുടർഭരണത്തിന് കാരണം എൽഡിഎഫിന്റെയും പിണറായി സർക്കാരിന്റേയും മികച്ച പ്രവർത്തനമാണെന്ന് വാർത്താ ഏജൻസിക്ക് നൽകിയ അഭിമുഖത്തിൽ അദ്ദേഹം പറഞ്ഞു.

വർഷങ്ങളായി കേരളത്തിൽ എൽഡിഎഫും യുഡിഎഫും മാറി മാറി ആയിരുന്നു ഭരിച്ചിരുന്നത്. എന്നാൽ ഇത്തവണ തുടർഭരണം ലഭിക്കാൻ കാരണമായത് എൽഡിഎഫ് സർക്കാരിന്റെ മികച്ച പ്രവർത്തനവും ക്ഷേമ വികസന പദ്ധതികളുമാണ്. സർക്കാരിന്റെ പദ്ധതികളും ഭരണവും ജനങ്ങൾക്ക് ഇഷ്ടപ്പെടുന്നതിന്റെ തെളിവാണത്. അതെ അവസ്ഥ രാജസ്ഥാനിൽ ഉണ്ടാകും.കേരള മോഡലും മാതൃകാ പദ്ധതികളും രാജസ്ഥാനിൽ നടപ്പാക്കുമെന്നും ഗെഹ് ലോട്ട് പറഞ്ഞു.ഗെഹ് ലോട്ടിന്റെ പ്രതികരണം യുഡിഎഫിനേയും സംസ്ഥാനത്തെ കോൺഗ്രസിനേയും വെട്ടിലാക്കിയിരിക്കുകയാണ്.