വടകരയില്‍ പോലീസ് സര്‍വകക്ഷിയോഗം വിളിച്ചു. ഉത്തരമേഖല ഐജിയാണ് യോഗം വിളിച്ചത്. പകല്‍ 11ന് ഗസ്റ്റ് ഹൗസിലാണ് യോഗം.നേരത്തെ, വടകരയില്‍ പ്രത്യേക സാഹചര്യത്തില്‍ ഭീതികരമായ അന്തരീക്ഷമാണുള്ളതെന്നും അടിയന്തരമായി സര്‍വകക്ഷിയോഗം വിളിച്ച്‌ ചേര്‍ക്കണമെന്നും മുസ്ലിംലീഗ് സംസ്ഥാന പ്രസിഡന്‍റ് പാണക്കാട് സാദിഖ് അലി ശിഹാബ് തങ്ങള്‍ അഭിപ്രായപ്പെട്ടിരുന്നു.

എന്നാല്‍ മുസ്‌ലിം ലീഗിന്‍റെ ആവശ്യത്തില്‍ ഷാഫി പറമ്പിൽ എംഎല്‍എ അഭിപ്രായം പറഞ്ഞില്ല. വ്യാജസ്‌ക്രീന്‍ ഷോട്ട് നിര്‍മിച്ച്‌ വര്‍ഗീയ ധ്രുവീകരണത്തിന് ശ്രമിച്ചവര്‍ക്കെതിരേ പോലീസ് ഉടന്‍ നടപടിയെടുക്കണമെന്ന് അദ്ദേഹം പറഞ്ഞു. അതേ സമയം, വടകരയിലെ കാഫിര്‍ സ്‌ക്രീന്‍ ഷോട്ടിന് പിന്നില്‍ എല്‍ഡിഎഫ് അല്ലെന്ന് സ്ഥാനാര്‍ഥി കെ.കെ. ശൈലജ പ്രതികരിച്ചു.