കേരളത്തിൽ നിന്നും ഐഎസിലേക്ക് റിക്രൂട്ട്‌മെന്റ് നടക്കുന്നുവെന്ന് സിപിഐഎം സംസ്ഥാന സമിതി അംഗം പി ജയരാജൻ.കണ്ണൂരിൽ നിന്നുള്ള യുവാക്കൾ മതഭീകരവാദ സംഘടനയുടെ ഭാഗമായിട്ടുണ്ട്, യുവാക്കൾ പൊളിറ്റിക്കൽ ഇസ്ലാമിലേക്ക് വഴി തെറ്റുന്നുവെന്നും ചെറുപ്പക്കാരിൽ തീവ്രവാദ ആശയം സ്വാധീനം ചെലുത്തുന്നുവെന്നും പി ജയരാജൻ പറഞ്ഞു.

തന്റെ പുസ്തകത്തിൽ കൂടുതൽ വിശദാംശങ്ങൾ ഉണ്ടാവുമെന്നും പി ജയരാജൻ പറഞ്ഞു. പ്രദേശിക വാർത്താ ചാനലിന് നൽകിയ അഭിമുഖത്തിലാണ് ജയരാജന്റെ പരാമർശം. ' ഇന്ന് പൊളിറ്റിക്കൽ ഇസ്ലാം വലിയ പ്രശ്‌നമായി വരികയാണ്. കേരളത്തിലടക്കം ചില ചെറുപ്പക്കാർ വഴിതെറ്റി പോയി ഇസ്ലമിക് സ്റ്റേറ്റിൽ ചേർന്നു. ഐഎസിലേക്ക് റിക്രൂട്ട് ചെയ്യുന്ന സംഭവങ്ങൾ ഉണ്ടായിട്ടുണ്ട്.

കശ്മീരിലെ കൂപ്‌വാരയിൽ കണ്ണൂരിൽ നിന്നുള്ള നാല് ചെറുപ്പക്കാർ പോയി ഏറ്റുമുട്ടി കൊലചെയ്യപ്പെട്ടിട്ടുണ്ട്. അത് ഇന്ത്യൻ സൈന്യവുമായി ഏറ്റുമുട്ടിയിട്ടാണ് കൊല്ലപ്പെട്ടത്.' എന്നാണ് പി ജയരാജന്റെ പരാമർശം.പുസ്തകത്തിന് വലിയ വിമർശനം ഉണ്ടാകുമെന്നും അതിനെയാന്നും താൻ ഭയപ്പെടുന്നില്ലെന്നും പി ജയരാജൻ പറഞ്ഞു. ജനാധിപത്യ രീതിയിൽ വിമർശനം ഉണ്ടാകണം. പക്ഷെ നിലവിലെ സ്ഥിതിക്ക് മാറ്റം വരണമെന്നും ജയരാജൻ അഭിപ്രായപ്പെട്ടു.