സംവിധായകൻ അടൂർ ഗോപാലകൃഷ്ണൻ സിനിമ കോൺക്ലേവിൽ നടത്തിയ ദളിത് വിരുദ്ധ പരാമർശത്തില്‍ പ്രതികരിച്ച് പട്ടികജാതി, പട്ടികവർഗ വകുപ്പ് മന്ത്രി ഒ ആർ കേളു. അടൂർ ഗോപാലകൃഷ്ണൻ നടത്തിയ പരാമർശം നിർഭാഗ്യകരമെന്ന് മന്ത്രി പ്രതികരിച്ചു.

ഭരണഘടനാപരമായ പദ്ധതികളാണ് ഇടതു സർക്കാർ കൊണ്ടുവരുന്നത്. പട്ടികജാതി വിഭാഗത്തിന്റെ ക്ഷേമത്തിനായി ഇനിയും ഫണ്ട് ചെലവഴിക്കുമെന്നും ഒ ആർ കേളു വ്യക്തമാക്കി. അടൂർ ഗോപാലകൃഷ്ണന്റെ പരാമർശം കേരളം മുഴുവൻ കേട്ടതാണ്.

വർഗീയത തീവ്രമാകുന്ന ഒരു കാലഘട്ടത്തിലാണ് നമ്മൾ ജീവിക്കുന്നത്. എസ്സിഎസ്ടികാരുടെ അവകാശങ്ങൾക്കെതിരെയുള്ള പരാമർശങ്ങൾ വേണ്ടായെന്നും അടൂർ പരാമർശം തിരുത്തണമെന്നും ഒ ആർ കേളു പറഞ്ഞു. സിനിമ മേഖലയിലും പട്ടികജാതി വിഭാഗം ഉയർന്നു വരണമെന്നും അദ്ദേഹം കൂട്ടിച്ചേർത്തു.