കേരള സാഹിത്യ അക്കാദമി ഓഡിറ്റോഡിയത്തിന് എംടിയുടെ പേര് നൽകാൻ തീരുമാനം. കേരള സാഹിത്യ അക്കാദമി എംടി ഓഡിറ്റോറിയം എന്നാണ് പേര് നൽകാൻ പോകുന്നത്. ഈ മാസം 17 ന് സാർവ്വദേശീയ സാഹിത്യോത്സവ ഉദ്ഘാടന ചടങ്ങിൽ മുഖ്യ അതിഥിയായെത്തുന്ന മുഖ്യമന്ത്രി പിണറായി വിജയനാണ് നാമകരണ കർമ്മം നിർവഹിക്കുക.

അതേസമയം സാഹിത്യ അക്കാദമി ലൈബ്രറിക്ക് ലളിതാംബിക അന്തർജനത്തിന്റെ പേരാണ് ഇടാൻ തീരുമാനിച്ചിട്ടുണ്ട്. ലളിതാംബിക അന്തർജനം സ്മാരക ലൈബ്രറി എന്ന് നാമകരണം നടത്തുന്നത് ധനമന്ത്രി കെ .എൻ. ബാലഗോപാൽ ആയിരിക്കും. സാർവദേശീയ സാഹിത്യോത്സവ സമാപന ദിവസമായ 21 നാണ് ലൈബ്രറിയുടെ പുനർനാമകരണം. എം ടി യുടെ പേര് ഇടുമ്പോൾ ലളിതാംബിക അന്തർജനത്തെ ഒഴിവാക്കുന്നു എന്ന വിമർശനം ഉയർന്നുവന്ന സാഹചര്യത്തിലാണ് ലൈബ്രറിക്ക് ലളിതാംബികയുടെ പേര് നൽകുന്നത്.