തൃശ്ശൂരിലെ കള്ളവോട്ടുകള്‍ കയ്യോടെ പിടിക്കപ്പെട്ടതിന്റെ ജാള്യതയാണ് സുരേഷ് ഗോപിയ്‌ക്കെന്ന് മന്ത്രി എം ബി രാജേഷ്. അതുകൊണ്ടാണ് സുരേഷ് ഗോപി ജനങ്ങളെ അഭിമുഖീകരിക്കാത്തതെന്നും മന്ത്രി പറഞ്ഞു. തെരഞ്ഞെടുപ്പ് നിഷ്പക്ഷമായാണ് നടന്നതെന്ന് തെളിയിക്കേണ്ടത് തെരഞ്ഞെടുപ്പ് കമ്മീഷനാണെന്നും മന്ത്രി എം ബി രാജേഷ് കൂട്ടിച്ചേര്‍ത്തു.

പ്രധാനമന്ത്രിക്കെതിരെയും മന്ത്രി എം ബി രാജേഷ് തുറന്നടിച്ചു. മതനിരപേക്ഷ രാജ്യമായ ഇന്ത്യയെ മതാധിഷ്ഠിതമായ രാജ്യമാക്കാനാണ് ആര്‍എസ്എസ് ശ്രമിക്കുന്നതെന്ന് മന്ത്രി എം ബി രാജേഷ് പറഞ്ഞു. ന്യൂനപക്ഷങ്ങളെ രണ്ടാംകിട പൗരന്മാരാക്കാനാണ് കഴിഞ്ഞ 100 വര്‍ഷമായി ആര്‍എസ്എസ് പ്രവര്‍ത്തിക്കുന്നതെന്നും മന്ത്രി കൂട്ടിച്ചേര്‍ത്തു.