ബംഗാൾ ഉൾക്കടലിൽ രൂപം കൊണ്ട ഫോനി ചുഴലിക്കാറ്റ് അതിതീവ്രമാകുമെന്നു കാലാവസ്ഥാ നിരീക്ഷണകേന്ദ്രത്തിന്റെ മുന്നറിയിപ്പ്. ഫോനി ചുഴലിക്കൊടുങ്കാറ്റ് നാളെ ഉച്ചകഴിഞ്ഞ് ഒഡീഷ തീരത്തോട് അടുക്കുന്ന സാഹചര്യത്തിൽ സം​സ്ഥാ​ന​ത്തെ 14 ജി​ല്ല​ക​ളി​ൽ നി​ന്നാ​യി എ​ട്ടു​ല​ക്ഷം പേ​രെ​യാ​ണ് ഒ​ഴി​പ്പി​ക്കു​ന്ന​ത്. പ​ത്തു​ല​ക്ഷം പേ​രെ പാ​ർ​പ്പി​ക്കാ​ൻ ആ​വ​ശ്യ​മാ​യ സൗ​ക​ര്യ​ങ്ങ​ൾ സം​സ്ഥാ​ന​ത്ത് ഒ​രു​ക്കി​യി​ട്ടു​ണ്ടെ​ന്ന് മു​ഖ്യ​മ​ന്ത്രി ന​വീ​ൻ പ​ട്നാ​യി​ക് അ​റി​യി​ച്ചു

ഒഡിഷ തീരത്തുനിന്നു 450 കിലോമീറ്റർ ദൂരെയാണ് ഇപ്പോൾ ഫോനിയെന്ന് ഇന്ത്യൻ മെട്രോളജിക്കൽ വകുപ്പ് അറിയിച്ചു. 5 കിലോമീറ്റർ വേഗതയിൽ സഞ്ചരിക്കുന്ന ഫോനി തീരത്തോട് അടുക്കുമ്പോൾ 200 കിലോമീറ്റർ വേഗത്തിലാകും. ബ്ര​ഹ്മ​പു​ർ മു​ത​ൽ പു​രി വ​രെ​യു​ള്ള ന​ഗ​ര​ങ്ങ​ളി​ൽ അ​പ​ക​ട​ക​ര​മാ​യ കാ​റ്റ് ദു​ര​ന്തം വി​ത​യ്ക്കു​മെ​ന്നും അ​ഞ്ചു ജി​ല്ല​ക​ളി​ൽ ക​ന​ത്ത​നാ​ശ​ന​ഷ്ട​ങ്ങ​ൾ​ക്ക് സാ​ധ്യ​ത​യെ​ന്നുമാണ് കാലാവസ്ഥാ നിരീക്ഷണകേന്ദ്രത്തിന്റെ മുന്നറിയിപ്പ്. ഇതിനെ തുടർന്ന് ആ​ന്ധ്രാ​പ്ര​ദേ​ശ്, പ​ശ്ചി​മ​ബം​ഗാ​ൾ സം​സ്ഥാ​ന​ങ്ങ​ൾ​ക്കും മു​ൻ​ക​രു​ത​ൽ സ്വീ​ക​രി​ക്കാ​ൻ നി​ർ​ദേ​ശ​മു​ണ്ട്.

മുൻകരുതലുകളുടെ ഭാഗമായി റയിൽവേ ഇന്നും നാളെയുമായി 103 ട്രെയിനുകളും റദ്ദാക്കി. പട്ന– എറണാകുളം എക്സ്പ്രസ് ട്രെയിനും ഇതില്‍ ഉള്‍പെടുന്നു. മ​ത്സ്യ​ത്തൊ​ഴി​ലാ​ളി​ക​ൾ​ക്കും തീ​ര​ദേ​ശ​ങ്ങ​ളി​ൽ താ​മ​സി​ക്കു​ന്ന​വ​ർ​ക്കും ഓ​രോ മ​ണി​ക്കൂ​റി​ലും മു​ന്ന​റി​യി​പ്പു​ക​ൾ ന​ൽ​കു​ന്നു​ണ്ട്. അ​ടി​യ​ന്തി​ര ത​യാ​റെ​ടു​പ്പു​ക​ൾ ന​ട​ത്താ​നും നി​ർ​ദ്ദേ​ശി​ച്ചു. കാ​ലാ​വ​സ്ഥാ നി​രീ​ക്ഷ​ണ കേ​ന്ദ്രം തീ​ര​ത്ത് റെ​ഡ് അ​ല​ർ​ട്ട് പ്ര​ഖ്യാ​പി​ച്ചി​ട്ടു​ണ്ട്.