വ്യാഴാഴ്ച പുലർച്ചെയോടെ ഗുജറാത്ത് തീരത്തെത്തുന്ന വായു ചുഴലിക്കാറ്റിന് തീവ്രതയേറുമെന്ന് സൂചന ലഭിച്ചതോടെ ഏകദേശം മൂന്നു ലക്ഷം ആളുകളെ വീടുകളിൽനിന്ന്‌ ഒഴിപ്പിച്ചതായി സർക്കാർ വൃത്തങ്ങൾ അറിയിച്ചു . നേരത്തേ മണിക്കൂറിൽ 120 കിലോമീറ്റർ വേഗമെന്ന് പ്രവചിച്ചിരുന്നെങ്കിലും വായുവിന്റെ വേഗം 145-175 കിലോമീറ്ററിനിടയിലാകുമെന്ന് വിവരം ലഭിച്ചതിനാലാണ് കാറ്റിന്റെ വഴിയിലുള്ള വീട്ടുകാരെയെല്ലാം ഒഴിപ്പിക്കുന്നതെന്ന് മുഖ്യമന്ത്രി വിജയ് രൂപാണി അറിയിച്ചു.

ആകെ 408 വില്ലേജുകളിലെ 60 ലക്ഷം ആളുകൾ ചുഴലിക്കാറ്റിന്റെ സ്വാധീനമേഖലയിൽ വരും. ദ്വാരക, പോർബന്തർ, ജുനഗഢ്, ദിയു, ഗിർ-സോമനാഥ്, ജാംനഗർ, അമ്രേലി, മോർബി, കച്ച്, ഭാവ്‌നഗർ എന്നീ പ്രദേശങ്ങളിൽ നിന്നാണ് ആളുകളെ കൂടുതലായി ഒഴിപ്പിക്കുന്നത് പഴയ വീടുകളിലും കോൺക്രീറ്റ് ചെയ്യാത്ത മേൽക്കൂരയുള്ള ഭവനങ്ങളിലും കഴിയുന്നവരെ നിർബന്ധമായി മാറ്റി. എന്നാൽ ബോട്ടുകളും വള്ളങ്ങളും ഉപേക്ഷിച്ച് വരാൻ മത്സ്യത്തൊഴിലാളികൾ മടിക്കുന്നു.

വാ​യു ചു​ഴ​ലി​ക്കാ​റ്റി​നെ തു​ട​ര്‍​ന്ന് ഗു​ജ​റാ​ത്തി​ൽ 70 ട്രെ​യി​ന്‍ സ​ര്‍​വീ​സു​ക​ള്‍ റ​ദ്ദാ​ക്കി. ര​ക്ഷാ​പ്ര​വ​ർ​ത്ത​ന​ത്തി​നാ​യി എ​ൻ​ഡി​ആ​ർ​എ​ഫി​ന്‍റെ 52 ടീ​മു​ക​ൾ ഗു​ജ​റാ​ത്തി​ലെ​ത്തി​യി​ട്ടു​ണ്ട്. 300 മറൈൻ കമാൻഡോകളും ഒമ്പത്‌ ഹെലികോപ്റ്ററുകളും പ്രധാനസ്ഥാനങ്ങളിൽ ഉണ്ട്. സ്ഥി​തി​ഗ​തി​ക​ൾ നി​രീ​ക്ഷി​ച്ചു വ​രു​ന്ന​താ​യി പ്ര​ധാ​ന​മ​ന്ത്രി ന​രേ​ന്ദ്ര മോ​ദിയും ട്വി​റ്റ​റി​ൽ കുറിച്ചു.