മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം. ശിവശങ്കറിനെ തിരുവനന്തപുരം കരമന പി.ആർ.എസ് ആശുപത്രിയിൽ പ്രവേശിപ്പിച്ചു . ദേഹാസ്വാസ്ഥ്യം ഉണ്ടായതിനെ തുടർന്ന്കസ്റ്റംസിന്റെ വാഹനത്തിലാണ് അദ്ദേഹത്തെ ആശുപത്രിയിൽ എത്തിച്ചത്.

നിലവിൽ പി.ആർ.എസിലെ കാർഡിയാക്ക് ഐ.സി.യുവിലാണ് അദ്ദേഹത്തെ പ്രവേശിപ്പിച്ചിരിക്കുന്നത്.അതേസമയം ഇന്ന് വൈകിട്ട് ആറ് മണിക്ക് ചോദ്യം ചെയ്യലിനായി ഹാജരാകാൻ കസ്റ്റംസ് ശിവശങ്കറിനോട് ആവശ്യപ്പെട്ടിരുന്നുവെങ്കിലും തനിക്ക് അസുഖമായതിനാൽ ഹാജരാകാൻ കഴിയില്ലെന്ന് അദ്ദേഹം പറഞ്ഞിരുന്നു. തുടർന്നാണ് ശിവശങ്കറിന്റെ പൂജപ്പുരയിലെ വസതിയിൽ ഇന്ന് വൈകിട്ട് 5.30 മണിക്ക് കസ്റ്റംസ് എത്തിയത്.