അര്‍ണാബ് ഗോസ്വാമിയുടെ റിപ്പബ്ലിക് ടി.വിക്കെതിരെ ബാര്‍ക് രംഗത്ത്
അഡ്മിൻ
അര്‍ണാബ് ഗോസ്വാമിയുടെ കീഴിലുള്ള റിപ്പബ്ലിക് ടി.വിക്കെതിരായ അതൃപ്തി വ്യക്തമാക്കി റേറ്റിങ് ഏജന്‍സിയായ ബാര്‍ക് (ബ്രോഡ്കാസ്റ്റ് ഓഡിയന്‍സ് റിസര്‍ച്ച് കൗണ്‍സില്‍) രംഗത്തെത്തി. ടി.ആര്‍.പി. അഴിമതിയില്‍ നിരപരാധിയാണെന്ന് വാദിക്കാനായി ചാനല്‍ വ്യൂവര്‍ഷിപ്പ് ട്രാക്കിങ് ഏജന്‍സിയില്‍ നിന്നുള്ള ആശയവിനിമയം തെറ്റായി അവതരിപ്പിച്ചുവെന്ന് ബാര്‍ക് ആരോപിക്കുന്നു.
ഇതുമായി ബന്ധപ്പെട്ടു ഇപ്പോള്‍ നടന്ന് കൊണ്ടിരിക്കുന്ന അന്വേഷണത്തില്‍ അഭിപ്രായം പറയുന്നില്ലെന്നും ഏജന്‍സി പ്രസ്താവനയില്‍ അറിയിച്ചു. റിപ്പബ്ലിക് ടി.വി റേറ്റിങ് സംബന്ധിച്ച അതീവ രഹസ്യ വിവരങ്ങള്‍ വെളിപ്പെടുത്തുകയും അതിനെ തെറ്റായി വ്യാഖ്യനിക്കുകയും ചെയ്തു. ചാനലിന്റെ നടപടിയില്‍ ബാര്‍ക്ക് ഇന്ത്യ നിരാശരാണ്. നടപടിയെ ശക്തമായി അപലപിക്കുന്നുവെന്നും പ്രസ്താവനയില്‍ പറയുന്നു.ചാനലിലെ പരസ്യവരുമാനം കൂട്ടാന്‍ ടി.ആര്‍.പി. തട്ടിപ്പ് നടത്തിയതിന് റിപ്പബ്ലിക് ടി.വി ഉള്‍പ്പടെ 3 ചാനലുകളാണ് അന്വേഷണം നേരിടുന്നത്. കേസില്‍ 6 പേരെ പോലീസ് അറസ്റ്റ് ചെയ്തിരുന്നു.
