രാജ്യത്തെ ഏറ്റവും കുറഞ്ഞ കോവിഡ് മരണനിരക്കുള്ള സംസ്ഥാനങ്ങളിലൊന്നായി കേരളം ഇപ്പോഴും തുടരുന്നതായി കേന്ദ്ര ആരോഗ്യമന്ത്രാലയത്തിന്റെ കണക്കുകൾ. മന്ത്രാലയ കണക്കുകൾ പ്രകാരം കേവലം 0.34 ശതമാനമാണ് കേരളത്തിലെ മരണനിരക്ക്.

ഇന്ത്യയുടെ വടക്കുകിഴക്കൻ സംസ്ഥാനങ്ങളായ മിസോറം, അരുണാചൽ, കേന്ദ്രഭരണപ്രദേശമായ ദാദ്ര - നഗർഹവേലി എന്നിവിടങ്ങളിൽമാത്രമാണ് നിലവിൽ കേരളത്തേക്കാൾ കുറഞ്ഞ മരണനിരക്കുള്ളത്. കേരളം ഉൾപ്പെടെയുള്ള 14 ഇന്ത്യൻ സംസ്ഥാനങ്ങളിൽ മരണനിരക്ക് ഇപ്പോൾ ഒരു ശതമാനത്തിൽ താഴെയാണ് . അതേസമയം രാജ്യത്താകെയുള്ള മരണനിരക്ക് 1.5 ശതമാനത്തിലെത്തി.

അവസാന 24 മണിക്കൂറിൽ രാജ്യത്ത് 480 മരണം റിപ്പോർട്ട്ചെയ്തു. ഇതേവരെയുള്ള മരണം 1.19 ലക്ഷത്തിലേറെയാണ്. കഴിഞ്ഞ ദിവസം ഉണ്ടായ മരണങ്ങളിൽ 23 ശതമാനം മഹാരാഷ്ട്രയിലാണ്112 പേർ.