എസ്.എഫ്.ഐ മുൻ സംസ്ഥാന സെക്രട്ടറിയും യുവജന ക്ഷേമ ബോർഡ്‌ വൈസ്‌ ചെയർമാൻ പി. ബിജു (45) അന്തരിച്ചു. ഹൃദയാഘാതത്തെ തുടർന്നാണ്‌ അന്ത്യം. കോവിഡ്‌ ബാധിച്ച്‌ ചികിത്സയിലായിരുന്നു പി. ബിജു.

സി.പി.എമ്മിന്റെ തിരുവനന്തപുരം ജില്ലാ കമ്മിറ്റി അംഗമാണ്‌. ഡിവൈഎഫ്‌ഐയുടെ സംസ്ഥാന ട്രഷററുമായിരുന്നു. തിരുവനന്തപുരം മെഡിക്കൽ കോളേജിൽ ചികിത്സയിലിരിക്കെ രോഗം ഗുരുതരനായതിനെ തുടർന്ന് ‌ വെൻറിലേറ്ററിൽ ആയിരുന്നു. ഇന്ന്‌ രാവിലെ എട്ട് മണിയോടെയാണ് മരണം സംഭവിച്ചത്.

ഒക്‌ടോബർ 21 നായിരുന്നു ബിജുവിന് ‌ കോവിഡ്‌ സ്‌ഥിരീകരിച്ചത് ‌.പത്ത്‌ ദിവസത്തിന്‌ശേഷം കോവിഡ്‌ നെഗറ്റീവ്‌ ആയെങ്കിലും ഉയർന്ന പ്രമേഹവും രക്‌തസമ്മർദ്ദവും നിമിത്തം വൃക്കകൾ തകറാറിലായതിനെ തുടർന്ന്‌ ഒരാഴ്‌ചയായി ഡയാലിസ്‌ ചെയ്‌ത് വരികയായിരുന്നു.