കേരളത്തില്‍ അടുത്ത മാസം നടക്കുന്ന തദ്ദേശ സ്വയം ഭരണ സ്ഥാപനങ്ങളിലെ തെരഞ്ഞെടുപ്പില്‍
എല്‍.ഡി.എഫ് വന്‍ വിജയം നേടുമെന്ന് മുന്നണിയുടെ കണ്‍വീനര്‍ എ. വിജയരാഘവന്‍ പറഞ്ഞു. ഇടത് മുന്നണി സര്‍ക്കാരിന്റെ ജനക്ഷേമ വികസന പ്രവര്‍ത്തനങ്ങളും തദ്ദേശ സ്ഥാപനങ്ങള്‍ വഴി നടപ്പാക്കിയ പധതികളും വലിയ മാറ്റങ്ങളാണ് നാട്ടിലുണ്ടാക്കിയത്.

അതുകൊണ്ടു തന്നെ എല്‍.ഡി.എഫിന് വലിയ വിജയം ഉണ്ടാകും.എല്‍.ഡി.എഫ് സ്ഥാനാര്‍ത്ഥികളെ ഉടന്‍ പ്രഖ്യാപിക്കും. ഭൂരിപക്ഷം സ്ഥലങ്ങളിലും സ്ഥാനാര്‍ത്ഥികള്‍ ആയി കഴിഞ്ഞിട്ടുണ്ട്. യു.ഡി.എഫ് അവിശുദ്ധ കൂട്ടുകെട്ടിനെ ജനം തിരസ്‌കരിക്കുമെന്നും യു.ഡി.എഫിന് വലിയ തിരിച്ചടിയുണ്ടാകുമെന്നും വിജയ രാഘവന്‍ മാധ്യമങ്ങളോട് പറഞ്ഞു