ബീഹാര്‍ നിയമസഭാ തെരഞ്ഞെടുപ്പില്‍ എക്സിറ്റ് പോൾ ഫലങ്ങൾക്ക് പിന്നാലെ ജനറൽ സെക്രട്ടറിമാരായ രൺദീപ് സുർജെവാലയെയും അവിനാശ് പാണ്ഡെയെയും കോൺഗ്രസ് അധ്യക്ഷ സോണിയാ ഗാന്ധി പാട്നയിലേക്ക് അയച്ചു.

നിര്‍ദ്ദേശത്തെ തുടര്‍ന്ന് ഇരുവരും ഇന്നലെ തന്നെ പാട്നയിലെത്തി. സംസ്ഥാനത്തെ കോൺഗ്രസ് നിരീക്ഷകരായി ഇരുവരും പ്രവർത്തിക്കും. നാളെ തെരഞ്ഞെടുപ്പ് ഫലം വരുന്നതിന് പിന്നാലെ കേന്ദ്ര നേതൃത്വവുമായി ആലോചിച്ച് തീരുമാനങ്ങളെടുക്കാൻ ഇവർ നേതൃത്വം വഹിക്കും.

എൻ.ഡി.എയും ഇടത് മുന്നണി ഉള്‍പ്പെടുന്ന മഹാസഖ്യവും തമ്മിൽ സീറ്റുനിലയിൽ വലിയ വ്യത്യാസമുണ്ടാകില്ലെന്ന് ചില എക്‌സിറ്റ് പോളുകൾ പ്രവചിച്ചതിന്റെ അടിസ്ഥാനത്തിൽ അട്ടിമറി സാധ്യതകളൊഴിവാക്കുക കൂടിയാണ് തീരുമാനത്തിന് പിന്നിൽ.