അന്താരാഷ്ട്ര പ്രശസ്ത ഫാഷന്‍ മാഗസിനായ വോഗിന്റെ ഇന്ത്യന്‍ പതിപ്പിലെ കവര്‍ പേജില്‍ സ്ഥാനം നേടി കേരളാആരോഗ്യമന്ത്രി കെ.കെ. ശൈലജ. കൊവിഡ് മഹാമാരിയെ കേരളത്തിന്റെ ആരോഗ്യ മേഖലയുടെ മുന്നില്‍ നിന്ന് അതിജീവിക്കുന്നതുമായി ബന്ധപ്പെട്ട് അഭിമുഖവും നല്‍കിയിട്ടുണ്ട്. വുമണ്‍ ഓഫ് ദ ഇയര്‍ 2020 എന്ന തലക്കെട്ടിലായിരുന്നു കെ.കെ ശൈലജയുടെ കവര്‍ ഫോട്ടോ വന്നത്.

മലയാള സിനിമാ മേഖലയില്‍ നിന്നും ഫഫദ് ഫാസില്‍, നസ്രിയ നസീം, റിമ കല്ലിങ്കല്‍ തുടങ്ങിയവര്‍ ഇതിനോടകം കെ.കെ ശൈലജയുള്ള വോഗിന്റെ കവര്‍ പേജ് സോഷ്യല്‍ മീഡിയയില്‍ ഷെയര്‍ ചെയ്യുകയും ചെയ്തു. നേരത്തേ ജൂലൈയിലായിരുന്നു പ്രോസ്പെക്ടസ് മാഗസീന്‍റെ പട്ടികയില്‍ കെ.ക ശൈലജ ഉള്‍പ്പെട്ടിട്ടുണ്ടെന്ന വാര്‍ത്ത വന്നത്.

ലണ്ടന്‍ കേന്ദ്രമായി പ്രവര്‍ത്തിക്കുന്ന പ്രോസ്‌പെക്ട് മാഗസിന്‍ പ്രസിദ്ധീകരിച്ച കൊവിഡ് 19 കാലത്തെ ലോകത്തെ മികച്ച 50 ചിന്തകരുടെ പട്ടികയിലായിരുന്നു ആരോഗ്യമന്ത്രിയുടെ പേരും വന്നത്. നിപ്പായുടെ കാലത്തും കൊവിഡ് കാലത്തും മന്ത്രി സംസ്ഥാനത്തെ ആരോഗ്യമേഖലയില്‍ കാഴ്ചവെച്ച മികച്ചപ്രവര്‍ത്തനങ്ങളെക്കുറിച്ച് റിപ്പോര്‍ട്ടില്‍ പറഞ്ഞിരുന്നു.