രാഹുല്‍ ഗാന്ധി വിഷയങ്ങൾ പഠിക്കാന്‍ ശ്രമിക്കാത്ത നേതാവ്; പരാമര്‍ശവുമായി ഒബാമയുടെ പുസ്തകം
അഡ്മിൻ
വിഷയങ്ങള്‍ വേണ്ട രീതിയില്‍ പഠിക്കാന്‍ ശ്രമിക്കാത്ത നേതാവാണ് രാഹുല്‍ ഗാന്ധി എന്ന് അമേരിക്കന്‍ മുന്‍ പ്രസിഡന്റ് ബരാക്ക് ഒബാമ. തനിക്കുള്ള പാഠഭാഗങ്ങള്‍ അറിയില്ലെങ്കിലും അറിയാമെന്ന് അഭിനയിക്കുന്ന വിദ്യാര്‍ത്ഥിയുടെ ഭാവമാണ് രാഹുലിനെ കണ്ടപ്പോള്‍ തനിക്ക് തോന്നിയത്.
ഒബാമയുടെ രാഷ്ട്രീയ കാലഘട്ടത്തിലെ ഓര്‍മ്മക്കുറിപ്പുകളുമായി പുറത്തിറങ്ങിയ 'എ പ്രോമിസ്ഡ് ലാന്റ്' എന്ന പുസ്തകത്തിലാണ് രാഹുല്‍ ഗാന്ധിയെക്കുറിച്ചുള്ള ഈ പരാമര്‍ശം. ഇന്ത്യയുടെ മുന്‍ പ്രധാനമന്ത്രി മന്‍മോഹന്‍സിംഗിനെക്കുറിച്ചും ഒബാമ തന്റെ ഈ പുസ്തകത്തില്‍ പറയുന്നുണ്ട്. ഒട്ടും കളങ്കമേല്‍ക്കാത്ത സത്യസന്ധതയുള്ള വ്യക്തി- എന്നാണ് മന്‍മോഹന്‍സിംഗിനെ പറ്റി ഒബാമയുടെ നിരീക്ഷണം.
ഇവര്‍ക്ക് പുറമേ റഷ്യന്‍ പ്രസിഡന്റ് വ്ളാദിമിര്‍ പുതിന്‍, അന്നത്തെ പ്രതിരോധ സെക്രട്ടറി ബോബ് ഗേറ്റ്സ്, ജോ ബൈഡന്‍ എന്നിവരെക്കുറിച്ചും പുസ്തകത്തില്‍ പ്രതിപാദിക്കുന്നുണ്ട്.
