പാലാരിവട്ടം പാലം അഴിമതിയുമായി ബന്ധപ്പെട്ട കേസില്‍ മുന്‍ മന്ത്രി വി.കെ ഇബ്രാഹിംകുഞ്ഞിനെ അറസ്റ്റ് ചെയ്തത് നിയമപരമായ നടപടിയാണെന്ന് സി.പി.ഐ.എം സംസ്ഥാനസെക്രട്ടറിയും ഇടതുമുന്നണി കണ്‍വീനറുമായ എ.വിജയരാഘവന്‍. എല്ലാ നടപടിക്രമങ്ങളും പൂര്‍ത്തിയാക്കിയാണ് വിജിലന്‍സ് ഇബ്രാഹിംകുഞ്ഞിനെ അറസ്റ്റ് ചെയ്തത്. ശരിയായ അന്വഷണത്തിന്റെ അടിസ്ഥാനത്തിലാണ് നടപടിയെന്നും എ.വിജയരാഘവന്‍ അറിയിച്ചു.നേരത്തേ തന്നെ ഇബ്രാഹിം കുഞ്ഞ് കേസില്‍ പ്രതിചേര്‍ക്കപ്പെട്ടായാളാണ്.

അല്ലാതെ പെട്ടെന്നൊരു ദിവസം അറസ്റ്റു ചെയ്തതല്ല. കേസുമായി ബന്ധപ്പെട്ട് ശരിയായ അന്വഷണം നടന്നിട്ടുണ്ട്. പ്രതിപക്ഷം എന്തുകൊണ്ടും രാഷ്ട്രീയപരമായി ഇബ്രാഹിംകുഞ്ഞിനെ ന്യായീകരിക്കാന്‍ നിര്‍ബന്ധിതരാണ്. അതിന്റെ ഭാഗമായ ന്യായീകരണമാണ് ഇപ്പോള്‍ നടക്കുന്നതെന്നും എ.വിജയരാഘവന്‍ കൂട്ടിച്ചേര്‍ത്തു.