കേരളത്തില്‍ സംസ്ഥാന സംസ്ഥാന സര്‍ക്കാര്‍ നടത്തിയ വികസന പ്രവര്‍ത്തനങ്ങള്‍ക്കെതിരെ തെറ്റായ പ്രചാരണം നടക്കുന്നെന്ന് സി.പി.ഐ.എം സംസ്ഥാന സെക്രട്ടറി എ. വിജയരാഘവന്‍ . സര്‍ക്കാരിന്റെ വികസന പ്രവര്‍ത്തനങ്ങളെ അട്ടിമറിക്കാന്‍ വന്‍ പ്രചാരവേലയാണ് നടക്കുന്നത്.കേന്ദ്ര ഏജന്‍സിയായ സി.എ.ജിയെ കൂട്ടുപിടിച്ച് പ്രതിപക്ഷം നടത്തിയത് ഗൂഢാലോചനയാണെന്നും കിഫ്ബിയെ ദുര്‍ബലമാക്കാനാണ് ശ്രമമെന്നും വിജയരാഘവന്‍ കൂട്ടി ചേർത്തു .

കേരളത്തിലെ പ്രതിപക്ഷം കളിക്കുന്നത് സങ്കുചിത രാഷ്ട്രീയമാണ്. കിഫ്ബി വഴി സംസ്ഥാനത്ത് 60,000 കോടിയുടെ വികസനം നടന്നു . യു.ഡി.എഫിന്റെയും ബി.ജെ.പിയുടെയും വികസന വിരുദ്ധ പ്രവര്‍ത്തനങ്ങള്‍ തുറന്ന് കാണിക്കാന്‍ എല്‍.ഡി.എഫിന്റെ നേതൃത്വത്തില്‍ ബഹുജന പ്രക്ഷോഭം സംഘടിപ്പിക്കുമെന്നും എ . വിജയരാഘവന്‍ അറിയിച്ചു.