യാത്രക്കാരെ ആകർഷിക്കാൻ പുതിയ പദ്ധതിയുമായി കെഎസ്ആർടിസി. കെഎസ്ആര്‍ടിസി എസി ലോ ഫ്‌ളോര്‍ ബസുകളില്‍ 25 ശതമാനം നിരക്ക് ഇളവ് പ്രഖ്യാപിച്ചു. കെഎസ്ആര്‍ടിസിയുടെ സൂപ്പര്‍ഫാസ്റ്റ് മുതലുള്ള ബസുള്‍ക്ക് നല്‍കിയിരുന്ന 25 ശതമാനം നിരക്ക് ഇളവാണ് ഇപ്പോൾ എസി ലോ ഫ്‌ലോര്‍ ബസുകള്‍ക്ക് കൂടി അനുവദിച്ചിരിക്കുന്നത്.

ചൊവ്വ, ബുധന്‍, വ്യാഴം ദിവസങ്ങളിലാണ് ഇളവ് അനുവദിച്ചിരിക്കുന്നതെന്ന് സിഎംഡി അറിയിച്ചു. ഡിസംബർ ആദ്യം മുതൽ ആകും ഇളവ് കൊണ്ട് വരിക. യാത്രക്കാരെ ആകർഷിക്കുക എന്ന ലക്ഷ്യം വച്ചാണ് പുതിയ നടപടികൾ. ഇപ്പോൾ എറണാകുളം – തിരുവനന്തപുരം, എറണാകുളം – കോഴിക്കോട് റൂട്ടുകളിലാണ് നിലവില്‍ ലോ ഫ്‌ളോര്‍ എസി ബസുകള്‍ സര്‍വീസ് നടത്തി വരുന്നത്.