ഇത്തവണ തദ്ദേശ തെരഞ്ഞെടുപ്പില്‍ പ്രചാരണത്തിന് കൊട്ടിക്കലാശമില്ല. തെരഞ്ഞെടുപ്പിന്റ ആദ്യഘട്ട പരസ്യ പ്രചാരണം ഇന്ന് അവസാനിക്കുകയാണ്. ഈ മാസം എട്ടിന്‌ ആദ്യഘട്ട തെരഞ്ഞെടുപ്പ്‌ നടക്കുന്ന തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലെ പരസ്യ പ്രചാരണം‌ ഇന്ന് വൈകിട്ട്‌ ആറോടെ അവസാനിക്കും‌.

കോവിഡ്‌ മാനദണ്ഡം പാലിക്കാത്ത സ്ഥാനാർത്ഥികള്‍ക്കെതിരെ ജില്ലാ അധികൃതർ നടപടി സ്വീകരിക്കും. ജാഥ, ആൾക്കൂട്ടമുണ്ടാക്കുന്ന പരിപാടി എന്നിവ ഒഴിവാക്കണം. പ്രചാരണ സമയം അവസാനിച്ചാലുടൻ പുറത്തുനിന്ന്‌ പ്രചാരണത്തിനെത്തിയവർ വാർഡുകൾക്ക്‌ പുറത്തുപോകണം. സ്ഥാനാർത്ഥിക്കും ഏജന്റിനും വാർഡിൽ കഴിയാം.