ഇക്കുറി തദ്ദേശ തെരഞ്ഞെടുപ്പിൽ വലിയ വിജയ പ്രതീക്ഷ പങ്കുവച്ച് മന്ത്രി ഇ. പി ജയരാജൻ. തദ്ദേശ തെരഞ്ഞെടുപ്പില്‍ എല്‍.ഡി.എഫ് വന്‍ വിജയം നേടുമെന്ന് മന്ത്രി ഇ.പി. ജയരാജന്‍ പറഞ്ഞു. വളരെക്കാലമായി ജനങ്ങള്‍ക്കിടയില്‍ പ്രവര്‍ത്തിക്കുന്നവരാണ് ഇടതുപക്ഷത്തിന്റെ സ്ഥാനാര്‍ത്ഥികള്‍.

കോവിഡിനെതിരെ പോരാട്ടത്തില്‍ മുന്നില്‍ നിന്ന് നയിച്ചവരാണ് സ്ഥാനാര്‍ത്ഥികള്‍. ജനങ്ങള്‍ക്ക് ഭക്ഷണവും പാര്‍പ്പിടവും കൊടുക്കാന്‍ മുന്നിട്ടിറങ്ങിയവരാണ്. അവരെയെ ജനങ്ങള്‍ വിജയിപ്പിക്കൂവെന്നും മന്ത്രി പറഞ്ഞു. കര്‍ഷകര്‍ക്കൊപ്പം നില്‍ക്കാന്‍ യു.ഡി.എഫ് ഇല്ല.

കാര്‍ഷിക ബില്ലിനെതിരെ യു.ഡി.എഫിന്റെ പ്രതിനിധികള്‍ ഇതുവരെ സംസാരിച്ചിട്ടില്ലെന്നും മന്ത്രി പറഞ്ഞു. വോട്ട് ചെയ്ത ശേഷം ഇന്ന് രാവിലെ മാധ്യമങ്ങളോട് സംസാരിക്കാവേയാണ് ഈ കാര്യങ്ങൾ മന്ത്രി പറഞ്ഞത്.