കൊച്ചി മെട്രോയിൽ കൊവിഡ് കാലത്ത് ഏർപ്പെടുത്തിയ സമയ നിയന്ത്രണം മാറ്റി. മെട്രോയുടെ സമയക്രമം മുൻപ് ഉണ്ടായിരുന്നതുപോലെ രാവിലെ 6മണി മുതൽ രാത്രി 10 മണി വരെയാക്കി. ലോക്ഡൗൺ പ്രഖ്യാപിച്ചതിനെത്തുടർന്ന് കേന്ദ്ര സർക്കാരിന്റെ നിർദേശപ്രകാരമായിരുന്നു സമയം രാവിലെ 7 മുതൽ രാത്രി 9 വരെയാക്കിയത്.

യാത്രക്കാരുടെ ആവശ്യപ്രകാരമാണ് വീണ്ടും പഴയ സമയക്രമത്തിലേക്ക് മാറ്റിയത്. ഇനി മുതൽ രാവിലെ 6മണിക്കും രാത്രി 10 മണിക്കും ആലുവ, പേട്ട സ്‌റ്റേഷനുകളിൽനിന്ന് മെട്രോ പുറപ്പെടും. നിലവിൽ മെട്രോയിൽ പ്രതിദിനമെത്തുന്ന ശരാശരി യാത്രക്കാരുടെ എണ്ണം 21000 ആണെന്നാണ് മെട്രോ അധികൃതർ വ്യക്തമാക്കുന്നത്.