ഇന്ധന വില വര്‍ദ്ധനവില്‍ പ്രതിഷേധിച്ച്‌ സിപിഎം ഇന്ന് സംസ്ഥാന വ്യാപകമായി പ്രതിഷേധിക്കും.10 മണി മുതല്‍ വൈകിട്ട് ആറ് മണി വരെയാണ് പ്രതിഷേധം.പ്രതിഷേധം ജില്ലാ, ഏരിയാ കേന്ദ്രങ്ങളിലെ കേന്ദ്ര സര്‍ക്കാര്‍ സ്ഥാപനങ്ങള്‍ക്ക് മുന്നിലാണ് സംഘടിപ്പിക്കുന്നത്.

സംസ്ഥാന ആക്ടിങ് സെക്രട്ടറി എ വിജയരാഘവന്‍ തിരുവനന്തപുരത്തെ പ്രതിഷേധത്തില്‍ പങ്കെടുക്കും. ഇന്ധന വില വര്‍ദ്ധിക്കുന്നതിന് പിന്നില്‍ കേന്ദ്രമാണെന്നും അവരാണ് നികുതി കുറക്കേണ്ടതെന്നുമാണ് സി പി എമ്മിന്റേയും സംസ്ഥാന സര്‍ക്കാറിന്റേയും നിലപാട്.