ദാരിദ്ര്യമല്ല, വികസനം പങ്കുവയ്ക്കലാണ് ഇടതുപക്ഷ രാഷ്ട്രീയ കാഴ്ചപ്പാപ്പാട്. സാധാരണക്കാർക്ക് മുഴുവൻ പ്രാപ്തമായ വികസനമാണ് കേരളത്തിലെ ഇടതുസർക്കാർ നടപ്പാക്കുന്നത്തെന്ന് സംസ്ഥാന ധനമന്ത്രി കെ എൻ ബാലഗോപാൽ. സാമ്പത്തികമായും പരിസ്ഥിതിപരമായും കെ റെയിലിന്റെ പ്രായോ​ഗികതയിൽ ഒരു സംശയവുമില്ല എന്നും അദ്ദേഹം പറഞ്ഞു.

കെ റെയിൽ നഷ്ടപരിഹാരത്തിൽ മാത്രം 13000 കോടിയാണ് വിപണിയിലെത്തുക. ഇതിന്റെ നേട്ടം സമ്പദ്ഘടനയിലുണ്ടാകും. സംസ്ഥാനങ്ങളെ കേന്ദ്രം ശ്വാസംമുട്ടിക്കുകയാണ്. സംസ്ഥാനത്തിന് നികുതി പിരിക്കാൻ അവകാശമില്ല. സാമൂഹിക പെൻഷൻ 100 രൂപ പോലും വർധിപ്പിക്കാൻ നിവൃത്തിയില്ലാത്ത സ്ഥിതിയിലേക്കാണ് കേന്ദ്ര സർക്കാർ സംസ്ഥാനങ്ങളെ എത്തിച്ചിരിക്കുന്നതെന്നും അദ്ദേഹം ആരോപിച്ചു.