ഉപരാഷ്ട്രപതി തെരഞ്ഞെടുപ്പിൽ നിന്ന് വിട്ടുനിൽക്കാനുള്ള തൃണമൂൽ കോൺഗ്രസിന്റെ തീരുമാനം ബിജെപിയെ സഹായിക്കുന്നതിന് തുല്യമാണ് എന്ന് സിപിഎം . ബിജെപിക്ക് പിന്തുണ പ്രഖ്യാപിക്കുന്നതു പോലെയുള്ള ഈ തീരുമാനം തൃണമൂൽ കോൺഗ്രസിന്റെ രാഷ്ട്രീയ കാപട്യം തുറന്നു കാണിക്കുന്നതായെന്നും സിപിഎം അഭിപ്രായപ്പെട്ടു.

കൽക്കരി കുംഭകോണ അന്വേഷണത്തിൽ സിബിഐ അടുത്തിടെ കുറ്റപത്രം സമർപ്പിച്ചപ്പോൾ ചില പ്രമുഖ ടിഎംസി നേതാക്കളുടെ പേരുകൾ ഉൾപ്പെടുത്തിയിരുന്നില്ലെന്ന് സിപിഎം ബംഗാൾ സെക്രട്ടറി എംഡി സെലിം പറഞ്ഞു. ഉപരാഷ്ട്രപതി തെരഞ്ഞെടുപ്പിൽ ഞങ്ങൾ ഇപ്പോൾ വില കൊടുക്കുകയാണെന്ന് അദ്ദേഹം കൂട്ടിച്ചേർത്തു.

അതേസമയം, സോണിയാ ഗാന്ധിയെ എൻഫോഴ്‌സ്‌മെന്റ് ഡയറക്ടറേറ്റ് ഓഫീസിലേക്ക് വിളിച്ചുവരുത്തി കോൺഗ്രസിന്റെ പ്രതിച്ഛായ തകർക്കാനാണ് ബിജെപി ശ്രമിക്കുന്നതെന്ന് കോൺഗ്രസ് സംസ്ഥാന അധ്യക്ഷൻ അധീർ ചൗധരി പറഞ്ഞു. എല്ലാ പ്രതിപക്ഷ പാർട്ടികളും ഇതിനെ എതിർക്കുകയും പ്രസ്താവനകൾ പ്രസിദ്ധീകരിക്കുകയും ചെയ്തു. ടിഎംസിയും എഎപിയും മാത്രം ചെയ്തില്ല. ടിഎംസിയും ബിജെപിയും ഇപ്പോൾ ഒരേ നാണയത്തിന്റെ രണ്ട് വശങ്ങളാണ് എന്ന് അദ്ദേഹം ആരോപിച്ചു..