പശ്ചിമ ബം​ഗാൾ പഞ്ചായത്ത് തിരഞ്ഞെടുപ്പ് അക്രമങ്ങൾക്ക് മുഖ്യമന്ത്രി മമത ബാനർജിയും സർക്കാരും ഉത്തരവാദികളാണെന്ന് ചലച്ചിത്ര പ്രവർത്തകയും ആക്ടിവിസ്റ്റുമായ അപർണ സെൻ. മമതക്ക് എഴുതിയ തുറന്ന കത്തിലാണ് അപർണ സെൻ ആരോപണങ്ങൾ ഉന്നയിച്ചത്.

52 പേരാണ് അക്രമങ്ങളിൽ കൊല്ലപ്പെട്ടതെന്ന് കത്തിൽ പറയുന്നു. അസോസിയേഷൻ ഫോർ പ്രൊട്ടക്ഷൻ ഓഫ് ഡെമോക്രാറ്റിക് റൈറ്റ്സ് വ്യാഴാഴ്ച സംഘടിപ്പിച്ച പരിപാടിയിലാണ് സെൻ കത്ത് വായിച്ചത്.
'നിങ്ങൾ പശ്ചിമ ബം​ഗാളിന്റെ മുഖ്യമന്ത്രിയും ആഭ്യന്തരമന്ത്രിയുമാണ്. തിരഞ്ഞെടുപ്പ് കമ്മീഷന്റെ ഭരണഘടനാപരമായ ഉത്തരവാദിത്തത്തിന് മേൽനോട്ടം വഹിക്കാതെയാണ് തിരഞ്ഞെടുപ്പ് നടന്നത്.

അന്ന് നടന്ന കൊലപാതകങ്ങളുടെ പ്രാഥമിക ഉത്തരവാദിത്തം ബം​ഗാൾ സർക്കാരിനാണ്. ആഭ്യന്തര മന്ത്രി എന്ന നിലയിൽ മമതക്ക് ഉത്തരവാദിത്തം നിഷേധിക്കാനാവില്ല'. കത്തിൽ അപർണ സെൻ പറഞ്ഞു.