കെ.പി.സി.സി.ജനറൽ സെക്രട്ടറി ദീപ്തി മേരി വർഗീസിനെ തടഞ്ഞ് കോൺ​ഗ്രസ് പ്രവർത്തകർ.പുതിയതായി പ്രഖ്യാപിച്ച മണ്ഡലം പ്രസിഡന്റ് ചുമതലയേൽക്കുന്നതിന്റെ ഭാഗമായി വിളിച്ച് ചേർത്ത കോൺഗ്രസ് ഈരവേലി മണ്ഡലം പ്രവർത്തക കൺവെൻഷനിലാണ് സംഭവമുണ്ടായത്. ഐ ഗ്രൂപ്പിന്റെ കൈവശം വരുന്ന മണ്ഡലം പ്രസിഡന്റ് പദവി കെഎസ്ഇബി വിഭാഗത്തിന് വിട്ടുകൊടുത്തു എന്ന് ആരോപിച്ചായിരുന്നു പ്രതിഷേധം.

കൺവെൻഷൻ കഴിഞ്ഞ് പുറത്തേക്ക് ഇറങ്ങുന്നതിനിടയിൽ പ്രവർത്തകർ തടയുകയായിരുന്നു. കോൺഗ്രസ് ബ്ലോക്ക് മണ്ഡലം പ്രസിഡന്റുമാരുടെ നിയമനത്തിന് പിന്നാലെയാണ് എറണാകുളത്തെ കോൺഗ്രസിൽ എ, ഐ വിഭാഗം ശക്തമായ പ്രതിഷേധം ഉയർത്തിയത്. തങ്ങളുടെ കൈവശമുണ്ടായിരുന്ന പദവികൾ കെ.സി വേണുഗോപാൽ വിഭാഗത്തിന് വിട്ടു നൽകിയെന്നാണ് ഈ ഗ്രൂപ്പിന്റെയും ഐ വിഭാഗത്തിന്റെയും പരാതി.