ബിജെപിക്കെതിരെ രൂക്ഷ വിമര്‍ശനവുമായി ജാര്‍ഖണ്ഡ് മുഖ്യമന്ത്രി ചമ്പായി സോറന്‍. വരുന്ന ലോക്‌സഭാ തെരഞ്ഞെടുപ്പില്‍ ബിജെപിയെ പരാജയപ്പെടുത്തിയില്ലെങ്കില്‍ ആദിവാസികള്‍ക്ക് ആപത്ത്. പാര്‍ട്ടി ആദിവാസികളുടെ ഭൂമി കൊള്ളയടിക്കുകയും അവരെ വനങ്ങളില്‍ നിന്നും കല്‍ക്കരി നിക്ഷിപ്ത പ്രദേശങ്ങളില്‍ നിന്നും പിഴുതെറിയുകയും ചെയ്യുമെന്നും അദ്ദേഹം ആരോപിച്ചു.

ജാര്‍ഖണ്ഡ് നിയമസഭയില്‍ സംസാരിക്കുകയായിരുന്നു അദ്ദേഹം. ആദിവാസി അവകാശങ്ങള്‍ സംരക്ഷിക്കുന്ന നിയമങ്ങള്‍ ഭേദഗതി ചെയ്യാന്‍ കേന്ദ്രസര്‍ക്കാര്‍ ശ്രമിക്കുകയാണ്. അത്തരം ശ്രമങ്ങള്‍ക്കെതിരെ സംസ്ഥാനം പ്രതിഷേധിക്കുമെന്നും അദ്ദേഹം സഭയില്‍ പറഞ്ഞു. വനാവകാശ നിയമത്തില്‍ ബിജെപി സര്‍ക്കാര്‍ ഭേദഗതി വരുത്തി. അതുപോലെ കല്‍ക്കരി ബേറിങ് ഏരിയാ ആക്ട്, ഛോട്ടാനാഗ്പൂര്‍ ടെനന്‍സി ആക്ട് എന്നിവ ഭേദഗതി ചെയ്യാന്‍ ശ്രമം നടക്കുന്നുണ്ടെന്നും മുഖ്യമന്ത്രി പറഞ്ഞു.