ജമ്മു കാശ്മീർ: 2024 ഡിസംബറിൽ ജമ്മു കാശ്മീരിൽ പടർന്നു പിടിച്ച അഞ്ജാത രോ​ഗത്തെക്കുറിച്ച് അധികൃതർ അന്വേഷണം പ്രഖ്യാപിച്ചു. 16 പേർ മരിക്കുകയും 36 പേർക്ക് രോ​ഗബാധ റിപ്പോർട്ടും ചെയ്ത സംഭവം ജമ്മു കാശ്മീരിലെ ​​ഗ്രാമ പ്രദേശങ്ങളിൽ പരിഭ്രാന്തി സൃഷ്ടിച്ചിരിക്കുകയാണ്. നാഷണൽ ഇൻസ്റ്റിറ്റ്യൂട്ട് ഓഫ് വൈറോളജി,നാഷണൽ സെൻ്റർ ഫോർ ഡിസീസ് കൺട്രോൾ, തുടങ്ങിയ സ്ഥാപനങ്ങളിലെ മെഡിക്കൽ വിദ​ഗ്ദർ പഠനം നടത്തിയിട്ടും രോ​ഗ കാരണം കണ്ടെത്താൻ കഴിഞ്ഞിരുന്നില്ല.

ചില അസുഖ ലക്ഷണങ്ങളുമായി ബദാൽ ഗ്രാമത്തിൽ നിന്നുള്ള ഒരു സ്ത്രീയെ സർക്കാർ മെഡിക്കൽ കോളേജിൽ പ്രവേശിപ്പിച്ചു. രജൗരി ജില്ലാ ഭരണകൂടവും ആരോഗ്യ വകുപ്പും പോലീസും മരണങ്ങളെക്കുറിച്ച് അന്വേഷിക്കുന്നതിനും ​​രോ​ഗ ബാധിതരുടെ കുടുംബങ്ങൾക്ക് സഹായങ്ങൾ നൽകുന്നതിനുമുള്ള പ്രവർത്തനങ്ങൾ ഏകോപിപ്പിക്കുന്നുണ്ട്.

പ്രദേശത്തെ അടുത്ത് ഇടപഴകുന്ന മൂന്ന് കുടുംബങ്ങളെയാണ് രോ​ഗം ബാധിച്ചിരിക്കുന്നത്. രോ​ഗ കാരണത്തെക്കുറിച്ച് വിവരം ലഭ്യമല്ലാത്തതിനാൽ പ്രതിരോധ പ്രവർത്തനങ്ങൾ പ്രതി സന്ധിയിലാണ്. കൂടുതൽ മരണങ്ങൾ ഒഴിവാക്കാൻ അന്വേഷണങ്ങളും പ്രതിരോധ നടപടികളും ശക്തമാക്കുകയല്ലാതെ പ്രാദേശിക അധികാരികൾക്ക് മറ്റ് മാർഗമില്ല. ​രോ​ഗത്തിന്റെ ഉറവിടത്തെപ്പറ്റി തങ്ങൾ ​ഗൗരവമായി അന്വേഷിക്കുകയാണെന്നും ഏതാനും ദിവസങ്ങൾക്കുള്ളിൽ വിവരം ലഭിക്കുമെന്ന് അന്വേഷണ ഉദ്യോ​ഗസ്ഥൻ പറഞ്ഞു.

നിലവിൽ നാലു വാർഡുകളിൽ വൈദ്യസഹായം നൽകിയിട്ടുണ്ട്. കൂടാതെ വീടുതോറുമുള്ള കൗൺസിലിംഗും നിരീക്ഷണവും നടന്നു വരികയാണ്. ഐ.സി.എം.ആർ സാമ്പിളുകൾ ശേഖരിച്ചിട്ടുണ്ട്. ഡിസംബർ 7 വരെ ​ഗ്രാമം ഇരുപത്തിനാലു മണിക്കൂർ നിരീക്ഷണത്തിലായിരുക്കും.