സോൾ: സോ​ൾ സമാധാന പു​ര​സ്​​കാ​രം ന​രേ​ന്ദ്ര മോ​ദി​ക്ക് നൽകുന്നതിൽ പ്രതിഷേധമറിയിച്ച് കൊ​റി​യയിൽ സന്നദ്ധ സംഘടനകളും മ​നു​ഷ്യാ​വ​കാ​ശ സംഘടനകളും രംഗത്ത്. ഇ​ന്ത്യ​യി​ൽ മു​സ്​​ലിങ്ങൾക്കെ​തി​രെ ക​ലാ​പം ന​ട​ത്തി​യ ച​രി​ത്ര​മു​ള്ള ഒരാൾക്ക് പുരസ്കാരം നൽകുന്നത് ഉചിതമല്ലെന്നു പ്രതിഷേധക്കാർ അറിയിച്ചു. സോ​ൾ പീ​സ്​ പ്രൈ​സ്​ ക​ൾ​ച​റ​ൽ ഫൗ​ണ്ടേ​ഷ​ൻ തീ​രു​മാ​ന​ത്തി​ൽ​നി​ന്ന്​ പിന്മാറണമെന്നും അവർ ആ​വ​ശ്യ​പ്പെ​ട്ടു.സെന്റർ ഫോ​ർ റെ​ഫ്യൂ​ജി റൈ​റ്റ്​​സ്​ ഇ​ൻ കൊ​റി​യ, കൊറി​യ ഹൗ​സ്​ ഒഫ്​ ഇന്റർ​നാ​ഷ​ണ​ൽ  സോ​ളി​ഡാ​രി​റ്റി എന്നീ സംഘടനകളാണ് പ്രതിഷേധമറിയിച്ച് രംഗത്തെത്തിയിരിക്കുന്നത്.

ആഗോള സാമ്പത്തിക വളർച്ചയ്ക്കും , രാജ്യാന്തര സഹകരണത്തിനും നൽകിയ സംഭാവനകൾ കണക്കിലെടുത്താണ് മോദിക്ക് പുരസ്കാരം നൽകുന്നത്. നേരത്തെ മോദിയുടെ അഴിമതി വിരുദ്ധനയങ്ങളെയും നോട്ടു നിരോധനത്തെയും സോ​ൾ പീ​സ്​ പ്രൈ​സ്​ ക​ൾ​ച​റ​ൽ ഫൗ​ണ്ടേ​ഷ​ൻ പ്രശംസിച്ചിരുന്നു. സോൾ സമാധാന പുരസ്കാരം ലഭിക്കുന്ന പതിനാലാമത്തെ വ്യക്തിയാണ് നരേന്ദ്ര മോദി.