അസമിലെ ഗുവാഹത്തിയില്‍ മൃഗശാലയിലെ മൃഗങ്ങള്‍ക്ക് ബീഫ് നല്‍കുന്നതിനെതിരെ പ്രതിഷേധവുമായി ബിജെപി പ്രവര്‍ത്തകര്‍ എത്തി. സംസ്ഥാനത്തെ ബിജെപി നേതാവ് സത്യനാഥ് ബോറക്ക് പറയുന്നത് ഇങ്ങിനെ- " മനുഷ്യൻ ബീഫ് കഴിച്ചാൽ മാത്രമല്ല, മൃഗങ്ങൾ കഴിച്ചാലും പ്രശ്നമാണ്. മൃഗലാശയിലെ മൃഗങ്ങൾക്ക് ബീഫ് നൽകരുത്." .
ഇവര്‍ മൃഗശാലയിലേക്ക് ഇറച്ചി കൊണ്ടുവരുന്ന വണ്ടിയും വഴിയും തടഞ്ഞായിരുന്നു പ്രതിഷേധിച്ചത്. കൈകളില്‍ പ്ലക്കാർഡുകളും മുദ്രാവാക്യങ്ങളുമായി പ്രതിഷേധക്കാർ മൃഗശാലയിലേക്കുള്ള വഴി തടയുകയായിരുന്നു. ഒടുവില്‍ പോലീസിന്റെ സഹായത്തോടെയാണ് മൃഗശാലയിലേക്കുള്ള വഴി അധികൃതർ തുറന്നത്.
ഹിന്ദുമത സമൂഹത്തിൽ പശുവിന് ഒരു പ്രത്യേക സ്ഥാനമുണ്ട്. എന്നാല്‍ അതിനെ വന്യമൃഗങ്ങൾക്ക് ഭക്ഷണമായാണ് സർക്കാർ നൽകുന്നത്. ബീഫ് അല്ലാതെ മറ്റേതെങ്കിലും ഇറച്ചി ഇവർക്ക് നൽകിക്കൂടേ? ബോറ ചോദിക്കുന്നു. വലിയ മാനുകൾ സാധാരണ മാനുകളേക്കാൾ കൂടുതലാണെന്നിരിക്കെ മൃഗശാല അധികൃതർക്ക് ബീഫിന് പകരം മറ്റു മൃഗങ്ങള്‍ക്ക് അത് നൽകിക്കൂടേയെന്നും ബോറ ചോദിക്കുന്നു. ഇത്ലെ കൌതുകം എന്തെന്നാല്‍ വംശനാശം സംഭവിച്ചുകൊണ്ടിരിക്കുന്ന സാമ്പാർ മാനുകളെക്കുറിച്ചാണ് ബോറ ഈ പരാമർശം നടത്തിയത് എന്നതാണ്.
