വർഗീയവിരുദ്ധ, മതനിരപേക്ഷ, കാർഷിക ക്ഷേമ നിലപാടുകൾ ഉയർത്തിപ്പിടിച്ച് കേരളാകോൺഗ്രസ് എം ഇടതുപക്ഷത്തേക്ക് വരുന്നത് കൃസ്തീയ സഭകൾ ഉള്ളുകൊണ്ട് സ്വാഗതം ചെയ്യുന്നു.  കോ​വി​ഡ് മ​ഹാ​വ്യാ​ധി​യോ​ടെ, മൂ​ല​ധ​ന വി​പ​ണി​യു​ടെ മാ​ന്ത്രി​ക സി​ദ്ധാ​ന്ത​ങ്ങ​ൾ പ​രാ​ജ​യ​പ്പെ​ട്ടെ​ന്നു തെ​ളി​ഞ്ഞ​താ​യി ത​ന്‍റെ പുതിയ ചാ​ക്രി​ക​ലേ​ഖ​ന​മാ​യ ‘ഫ്ര​ത്തേ​ല്ലി തൂ​ത്തി’(​എ​ല്ലാ​വ​രും സ​ഹോ​ദ​ര​ർ)​യി​ൽ ഫ്രാ​ൻ​സി​സ് മാ​ർ​പാ​പ്പ വി​ശ​ദീ​ക​രി​ച്ച സാഹചര്യത്തിൽ ഇടതുപക്ഷമാണ് ശരി എന്നാണ് പൊതുവിൽ കൃസ്തീയ പൗരോഹിത്യവൃന്ദമെടുക്കുന്ന നിലപാട്. സം​വാ​ദ​വും ഐ​ക​മ​ത്യ​വും പ്രോ​ത്സാ​ഹി​പ്പി​ക്കു​ക​യും യു​ദ്ധം എ​ന്തു​വി​ല​കൊ​ടു​ത്തും ഒ​ഴി​വാ​ക്കു​ക​യും ചെ​യ്യു​ന്ന ഒ​രു പു​തി​യ രാ​ഷ്‌​ട്രീ​യ​മാ​ണു ലോ​ക​ത്തി​ന് ഇ​നി ആ​വ​ശ്യ​മെ​ന്നാണ് ഫ്രാൻസിസ് മാർപ്പാപ്പ വ്യക്തമാക്കിയത്. ഇന്ത്യൻ സാഹചര്യത്തിൽ അത് വർഗീയ രാഷ്ട്രീയത്തെ ചെറുത്ത് തോൽപ്പിച്ച് കൊണ്ടു മാത്രമേ സാധ്യമാവുകയുള്ളൂ. അതിന് അഭികാമ്യമായ രാഷ്ട്രീയം ഇടതുപക്ഷത്തിന്റേതാണ് എന്ന് പുരോഹിത സമൂഹം സമ്മതിക്കുന്നു.

കഴിഞ്ഞ ദിവസം അ​സീ​സി​യി​ലെ വി​ശു​ദ്ധ ഫ്രാ​ൻ​സി​സി​ന്‍റെ ക​ബ​റി​ട​ത്തി​ൽ ദി​വ്യ​ബ​ലി അ​ർ​പ്പി​ച്ച​ശേ​ഷ​മായിരുന്നു മാ​ർ​പാ​പ്പ ചാ​ക്രി​ക ലേ​ഖ​നം പ്ര​സി​ദ്ധീ​ക​രി​ച്ച​ത്. തുടർന്ന് വ​ത്തി​ക്കാ​നി​ലെ സെ​ന്‍റ് പീ​റ്റേ​ഴ്സ് ച​ത്വ​ര​ത്തി​ൽ ത്രി​കാ​ല​ജ​പ പ്രാ​ർ​ഥ​ന​യ്ക്കു​ശേ​ഷം ചാ​ക്രി​ക​ലേ​ഖ​നം പ​രി​ച​യ​പ്പെ​ടുത്തുകയും ചെയ്തു. അ​സീ​സി​യി​ലെ വി​ശു​ദ്ധ ഫ്രാ​ൻ​സി​സി​ന്‍റെ സാ​ഹോ​ദ​ര്യ സ​ങ്ക​ല്പ​ത്തി​ൽ​നി​ന്നു പ്ര​ചോ​ദ​നം ഉ​ൾ​ക്കൊ​ണ്ടു മാ​ർ​പാ​പ്പ ത​യാ​റാ​ക്കി​യി​രി​ക്കു​ന്ന ചാ​ക്രി​ക ലേ​ഖ​ന​ത്തി​ൽ, കോ​വി​ഡാന​ന്ത​ര ലോ​ക​ത്തെ​ക്കു​റി​ച്ചു​ള്ള ത​ന്‍റെ കാ​ഴ്ച​പ്പാ​ടു​ക​ൾ എ​ടു​ത്തു​പ​റ​യു​ന്നു​ണ്ട്.

പാ​വ​പ്പെ​ട്ട​വ​രെ കൂ​ടു​ത​ൽ പാ​വ​പ്പെ​ട്ട​വ​രാ​ക്കു​ക​യും സമ്പന്നരെ വീ​ണ്ടും പു​ഷ്ടി​പ്പെ​ടു​ത്തു​ക​യും ചെ​യ്യു​ന്ന ത​ല​തി​രി​ഞ്ഞ ആ​ഗോ​ള സാമ്പത്തിക വ്യ​വ​സ്ഥ​യെ ചാ​ക്രി​ക ലേ​ഖ​ന​ത്തി​ൽ മാർപ്പാപ്പ നിശിതമായി വിമർശിച്ചു.

രാ​ഷ്‌​ട്രീ​യ​വും സാമ്പത്തിക​വു​മാ​യ കാ​ഴ്ച​പ്പാ​ടു​കൾ പൊ​ളി​ച്ചെ​ഴു​തേ​ണ്ട​താ​ണെ​ന്ന ത​ന്‍റെ വി​ശ്വാ​സം, കോ​വി​ഡ് മ​ഹാ​വ്യാ​ധി​യോ​ടെ അ​ര​ക്കി​ട്ടു​റ​പ്പി​ക്ക​പ്പ​ട്ടു. വി​പ​ണി​ക്കു സ്വാ​ത​ന്ത്ര്യം ന​ല്കി എ​ല്ലാ പ്ര​ശ്ന​ങ്ങ​ളും പ​രി​ഹ​രി​ക്കാ​ൻ ക​ഴി​യി​ല്ലെ​ന്നു വ്യ​ക്ത​മാ​യി. ഭൂ​മി ന​ല്കു​ന്ന വി​ഭ​വ​ങ്ങ​ൾ പ​ങ്കു​വ​യ്ക്കു​മ്പോൾ സ​മൂ​ഹ​ത്തി​ന്‍റെ ന​ന്മ​യാ​ണു ക​ണ​ക്കി​ലെ​ടു​ക്കേ​ണ്ട​ത് തുടങ്ങി മാർപ്പാപ്പയുടെ ആഹ്വാനങ്ങൾ ഉയർത്തിപ്പിടിക്കുന്നത് ഇടതുപക്ഷം മാത്രമാണ്. കേരളത്തിലെ പിണറായി വിജയൻ സർക്കാർ ബദൽ വികസന നയങ്ങൾ മുന്നോട്ടുവെച്ച് ആഗോള സാമ്പത്തിക വ്യവസ്ഥയ്‌ക്കെതിരെ പോരാട്ടം ശക്തമാക്കുമ്പോൾ കോൺഗ്രസും ബി ജെ പിയും ആ വ്യവസ്ഥയെ പരിപോഷിപ്പിക്കുകയാണ്. അപ്പോഴാണ് കേരളം കോൺഗ്രസ് എം നിലപാടുകൾ മാറ്റി ഇടതുപക്ഷത്തോടൊപ്പം വന്നത്. അത് കൃസ്തീയ വിശ്വാസികളിൽ വലിയ ആവേശമാണ് ഉണ്ടാക്കിയിട്ടുള്ളത്.  

പാർശ്വവത്ക്കരിക്കപ്പെട്ടവരെയും അ​ഭ​യാ​ർ​ഥി​ക​ളെ​യും സ്വീ​ക​രി​ക്കേ​ണ്ട​തി​ന്‍റെയും കരുതൽ നൽകേണ്ടതിന്റെയും ആ​വ​ശ്യ​ക​ത മാ​ർ​പാ​പ്പ ഊന്നിപ്പറയുമ്പോഴാണ് കേരള സമൂഹത്തിലെ അരികുവൽക്കരിക്കപ്പെട്ട ജനവിഭാഗങ്ങൾക്ക് കരുതലായി മാറുന്ന ലൈഫ് മിഷൻ പദ്ധതി ഇല്ലാതാക്കാൻ യു ഡി എഫ് പരിശ്രമിക്കുന്നത്. മാർപ്പാപ്പയുടെ വചനങ്ങൾക്ക് വിരുദ്ധമായി കോൺഗ്രസ് നേതൃത്വത്തിൽ യു ഡി എഫ് മുന്നോട്ട് പോകുമ്പോഴാണ് കേരളം കോൺഗ്രസ് എം അ​നു​കമ്പയു​ടെ സ​ന്ദേ​ശം ഉയർത്തിപ്പിടിച്ച് ഇടതുപക്ഷത്തേക്ക് വന്ന് സാധാരണക്കാർക്ക് വേണ്ടി നിലയുറപ്പിക്കുന്നത് എന്നാണ് പുരോഹിത സമൂഹം വിലയിരുത്തുന്നത്.

‘ന​ല്ല സ​മ​രി​യാ​ക്കാ​ര​ന്‍റെ’ ഉ​പ​മ​യ്ക്കാ​യി ഒ​രു അ​ധ്യാ​യം​ത​ന്നെ ചാ​ക്രി​ക​ലേ​ഖ​ന​ത്തി​ൽ മാ​റ്റി​വെക്കാൻ ഫ്രാൻസിസ് മാർപ്പാപ്പ തയ്യാറായ ചരിത്രഘട്ടത്തിലാണ് മാർപ്പാപ്പയുടെ വാക്കുകളിൽ നിന്നുകൂടി പ്രചോദനം ഉൾക്കൊണ്ട് ജോസ് കെ മാണിയും കൂട്ടരും ഇടതുപക്ഷത്തേക്ക് വരുന്നത്. കേരളത്തിലെ കൃസ്തീയ സമൂഹം ഫ്രാൻസിസ് മാർപ്പാപ്പയുടെ വാക്കുകൾ ഉൾക്കൊണ്ട് മുന്നോട്ടുപോവുമ്പോൾ കോട്ടയം പോലുള്ള ജില്ലകളിൽ കോൺഗ്രസിൽ നിന്നും കേരള കോൺഗ്രസ് എമ്മിലേക്ക് വിശ്വാസികൾ ഒഴുകുമെന്നതിൽ സംശയമില്ല.