കള്ളപ്പണം വെളുപ്പിച്ചു എന്ന കേസില്‍ മുന്‍മന്ത്രി വി.കെ ഇബ്രാഹിംകുഞ്ഞിനെ എന്‍ഫോഴ്‌സ്‌മെന്റ് ഡയറക്ടറേറ്റ് ചോദ്യം ചെയ്യുന്നു.ഇന്ന് കൊച്ചിയിലെ ഓഫീസിലാണ് മൊഴിയെടുക്കല്‍. നോട്ടുനിരോധന കാലത്ത് കൊച്ചിയിലെ രണ്ട് ബാങ്ക് അക്കൗണ്ടുകള്‍ വഴി 10 കോടിയുടെ കള്ളപ്പണം ഇബ്രാഹിംകുഞ്ഞ് ചന്ദ്രിക പത്രത്തിന്റെ അക്കൗണ്ടിലേക്ക് നിക്ഷേപിക്കുകയും പിന്നീട് ഈ പണം തന്റെ അക്കൗണ്ടിലേക്ക് മാറ്റിയെന്നുമാണ് കേസ്.

ഈ പണം പാലാരിവട്ടം പാലം അഴിമതിയുമായി ബന്ധപ്പെട്ട് ലഭിച്ചതാണെന്നാണ് ആരോപണം. അതേസമയം പാലാരിവട്ടം പാലം അഴിമതി കേസിലും വി.കെ ഇബ്രാഹിംകുഞ്ഞിനെ പ്രതിയാക്കി വിജിലന്‍സ് അന്വേഷണം തുടരുകയാണ്. അതിനിടെയാണ് ഹൈക്കോടതി നിര്‍ദേശ പ്രകാരം എന്‍ഫോഴ്‌സ്‌മെന്റിന്റെ അന്വേഷണം വരുന്നത്.