യുഡിഎഫിന്റെ വ്യാജ പ്രചാരണത്തിനെതിരെ തെരഞ്ഞെടുപ്പ് കമ്മീഷനെ സമീപിക്കാനൊരുങ്ങി വടകരയിലെ എൽഡിഎഫ് സ്ഥാനാർഥി കെ.കെ ശൈലജ ടീച്ചർ. കൊവിഡ് കാലത്തെ പർച്ചേസിന്റെ പേരിൽ യുഡിഎഫ് തനിക്കെതിരെ നടത്തുന്ന വ്യാജ പ്രചാരണം യാതൊരു തെളിവുമില്ലാതെയാണെന്നും ശൈലജ ടീച്ചർ ആരോപിച്ചിരുന്നു.

യുഡിഎഫ് വ്യക്തിപരമായി തന്നെ അധിക്ഷേപിക്കുന്നുവെന്നും ശൈലജ ടീച്ചർ വ്യക്തമാക്കി. യുഡിഎഫ് നടത്തുന്ന ഈ വ്യാജ പ്രചാരണം പ്രതിസന്ധി ഘട്ടത്തിൽ ആരോഗ്യ പ്രവർത്തകരുടെയും പൊതു ജനങ്ങളുടെയും ജീവൻ രക്ഷിക്കാനായി നടത്തിയ ഇടപെടലിനെ കൊള്ളയായി ചിത്രീകരിക്കുന്നതാണെന്നും ഇതിൽ നിയമനടപടി സ്വീകരിക്കുമെന്നും ശൈലജ ടീച്ചർ വ്യക്തമാക്കിയിരുന്നു. ഈ നിലപാട് യുഡിഎഫ് തുടരുന്ന സാഹചര്യത്തിലാണ് തെരഞ്ഞെടുപ്പ് കമ്മീഷനെ സമീപിക്കുന്നതെന്ന് ശൈലജ ടീച്ചർ പറഞ്ഞു.