ബെംഗളൂരുവിലെ രാമേശ്വരം കഫേ സ്‌ഫോടനവുമായി ബന്ധപ്പെട്ട് ബിജെപി പ്രവർത്തകനെ കസ്റ്റഡിയിലെടുത്ത് ചോദ്യം ചെയ്തതായി എൻഐഎ വൃത്തങ്ങൾ അറിയിച്ചു.കഴിഞ്ഞ ദിവസം മൊബൈൽ കടയിലെ രണ്ട് ജീവനക്കാരെ ചോദ്യം ചെയ്തപ്പോഴാണ് ബിജെപി പ്രവർത്തകനായ സായ് നാഥിനെ കുറിച്ച് നിർണായക വിവരങ്ങൾ ലഭിച്ചതെന്ന് റിപ്പോർട്ടുകൾ പറയുന്നു.

രാമേശ്വരം കഫേ ബോംബ് സ്‌ഫോടനക്കേസുമായി ബന്ധപ്പെട്ട് 10 ദിവസം മുമ്പ് നിരവധി വീടുകളിലും കടകളിലും എൻഐഎ റെയ്ഡ് നടത്തി രേഖകൾ പിടിച്ചെടുത്തിരുന്നു. ഇതിന് പിന്നാലെയാണ് എൻഐഎയുടെ നടപടി.
സായിനാഥിനെ കസ്റ്റഡിയിലെടുത്തതിന് പിന്നാലെ ബിജെപിക്കെതിരെ രൂക്ഷവിമര്‍ശനവുമായി കര്‍ണാടകയിലെ കോണ്‍ഗ്രസ് നേതാക്കള്‍ രംഗത്തെത്തി.