കിഫ്‌ബി കേസിലെ ഹൈക്കോടതി കോടതിവിധിയെ സ്വാഗതം ചെയ്ത് തോമസ് ഐസക്. രാജ്യത്ത് നടക്കുന്ന ജനാധിപത്യ പ്രക്രിയയുടെ പവിത്രത ഉയർത്തി പിടിച്ചിരിക്കുകയാണ് കോടതിയെന്ന് തോമസ് ഐസക് പറഞ്ഞു. ഇതിനെ അട്ടിമറിക്കാനാണ് ഇ ഡി ഈ തിരഞ്ഞെടുപ്പ് വേളയിൽ എന്നെ സമൻ ചെയ്തുകൊണ്ടിരിക്കുന്നതെന്നും, വിധിയുടെ പകർപ്പ് വന്നശേഷം കൂടുതൽ പ്രതികരിക്കുമെന്നും ഐസക് മാധ്യമങ്ങളോട് പറഞ്ഞു.

കിഫ്‌ബി മസാല ബോണ്ട് കേസിൽ തെരഞ്ഞെടുപ്പ് സമയത്ത് ലോക്‌സഭ സ്ഥാനാർഥിയായ തോമസ് ഐസക്കിനെ ചോദ്യം ചെയ്യരുതെന്നാണ് ഹൈക്കോടതി പറഞ്ഞത്. സ്ഥാനാർത്ഥിയെ ശല്യം ചെയ്യരുതെന്ന് ഇ ഡിയോട് നിർദേശിച്ച കോടതി കേസിന്റെ ഹർജി മെയ് 22 ലേക്ക് മാറ്റി.